world-service-rss
BBC News සිංහල
හිටපු පොලිස්පති දේශබන්දු තෙන්නකෝන් CID අත්අඩංගුවට
2025 අගෝස්තු 20, බදාදා දින 10.46.59
හිටපු පොලිස්පති දේශබන්දු තෙන්නකෝන් අපරාධ පරීක්ෂණ දෙපාර්තෙම්නතුව විසින් අද (අගෝස්තු 20) අත්අඩංගුවට ගනු ලැබ තිබේ. ඒ, “අරගලයට” පහර දීමේ සිද්ධිය පිළිබඳ විමර්ශනයට අදාළව ය.
ශ්‍රී ලංකාව ඇතුළු රටවල ඉදිරි දශකය තුළ ඇති විය හැකි රැකියා අර්බුදයක් ගැන අනතුරු ඇඟවීමක්
2025 අගෝස්තු 20, බදාදා දින 01.28.27
ලෝක බැංකුව පුරෝකථනය කර ඇත්තේ, ඉදිරි දශකය තුළ සංවර්ධනය වෙමින් පවතින රටවල තරුණ තරුණියන් බිලියන 1.2ක් වැඩ කරන වයසට පැමිණෙන නමුත් වත්මන් තත්ත්වය අනුව ඉදිරියට යන්නේ නම්, රැකියා නිර්මාණය වන්නේ මිලියන 420ක් පමණක් බව ය.
‘ඉන්දියාව සහ චීනය විරුද්ධවාදීන් නොව හවුල්කරුවන් විය යුතුයි’ - චීන විදේශ අමාත්‍ය
2025 අගෝස්තු 20, බදාදා දින 07.51.30
ඉන්දීය අගමැති නරේන්ද්‍ර මෝදි සමග අඟහරුවාදා [අගෝස්තු 19] පැවති හමුවකට පෙර, දෙරට අතර සබඳතා දැන් සහයෝගීතාව සඳහා “ධනාත්මක ප්‍රවණතාවක්” කරා ගමන් කරමින් පවතින බව වැන්ග් පැවසුවේ ය.
ඔබ දියවැඩියා රෝගියෙකු නම් අඹ කෑම ගැන ඔබ දැනගත යුතු කරුණු
2025 අගෝස්තු 20, බදාදා දින 04.26.09
කාබෝහයිඩ්‍රේට් වෙනුවට පාලනය කරන ලද අඹ පරිභෝජනය දෙවන වර්ගයේ දියවැඩියාවේ රුධිරයේ සීනි මට්ටම වැඩි දියුණු කළ හැකි බව ඉන්දියානු අත්හදා බැලීම් දෙකකින් යෝජනා කර තිබේ.
කුමාර ජයකොඩි: ‘දූෂණ චෝදනාවකට මුහුණ දීමට නියමිත’ බව කියන NPP ඇමතිවරයාට එල්ල කෙරෙන චෝදනා මොනවා ද?
2025 අගෝස්තු 19, අඟහරුවාදා දින 01.28.57
බලශක්ති අමාත්‍ය කුමාර ජයකොඩිට එරෙහි වසර ගණනකට ඉහතදී එල්ල වී තිබූ මෙම චෝදනාව යළිත් කරළියට පැමිණියේ, මේ වසරේ පෙබරවාරි මාසයේදී පැවති අයවැය විවාදය අතරතුර පාර්ලිමේන්තු මන්ත්‍රී ෂානක්කියන් රාසමාණික්කම් කළ ප්‍රකාශයක් සමග ය.
6-6-6 ඇවිදීමේ ක්‍රමය අපගේ ශාරීරික හා මානසික සෞඛ්‍යය වැඩිදියුණු කරන්නේ කෙසේ ද?
2025 අගෝස්තු 19, අඟහරුවාදා දින 03.46.02
පසුගිය මාස කිහිපය පුරා ඇවිදීම සඳහා භාවිත කරන ක්‍රමයක් පිළිබඳ සමාජ මාධ්‍ය ඔස්සේ පුළුල් ලෙස සාකච්ඡාවට ලක්විය. ඒ ආකාරයට ඇවිදීම හෘද සෞඛ්‍යයට සහ මානසික යහපැවැත්මට ප්‍රයෝජනවත් විය හැකි බව ඒවායේ සඳහන් විය.
ඔබට අධෝ වාතය ඇති කළ හැකි ආහාර 8ක්
2025 අගෝස්තු 8, සිකුරාදා දින 13.47.53
අධෝ වාතය පිටවීම ආහාර දිරවීමේ ස්වාභාවික අංගයක් වන අතර එය බොහෝ විට ඔබේ බඩවැල් හොඳින් ක්‍රියාත්මක වන බවට ලකුණකි. කෙසේ වෙතත්, ඇතැම් ආහාර මගින් ගන්ධය සහ වාතය පිට වන වාර ගණන යන දෙක ම සැලකිය යුතු ලෙස වැඩි කළ හැකි ය.
දිනකට පියවර 7,000ක් ඇවිදීම තුළින් සෞඛ්‍ය ගැටලු අවදානම අඩු කරන්නේ මෙහෙමයි
2025 අගෝස්තු 5, අඟහරුවාදා දින 03.38.41
සෑම කෙනෙකු ම දිනකට පියවර 10,000ක් ඇවිදීමට ඉලක්ක කරති - නමුත් ඊට අඩු අගයක් මගින් වුව ද පිළිකා, ඩිමෙන්ෂියා සහ හෘද රෝග වැනි බරපතළ සෞඛ්‍ය ගැටලු ඇති වීමේ අවදානම අඩු කළ හැකි බව අධ්‍යයනයකින් හෙළි වී තිබේ.
දවසේ වැදගත් ම ආහාරය උදෑසන ආහාරය ද?
2025 අගෝස්තු 3, ඉරිදා දින 03.57.26
කාලය සඳහා පවතින තරගයේදී බොහෝ විට අපෙන් ඈත් වන පළමු දේ වන්නේ උදෑසන ආහාරයයි. අප අතර සිටින කොපමණ දෙනෙකු උදෑසන දිවයමින් යමක් ආහාරයක් ලබා ගනී ද, එසේ නොමැති නම් සුවපහසු තම ඇඳ අමතර විනාඩි කිහිපයක් ගත කිරීම වෙනුවෙන් උදෑසන ආහාරය සඳහා ධාන්‍ය බඳුනක්, ටෝස්ට් කළ පාන් පෙති දෙකක් හෝ පේස්ට්‍රියක් ලබා ගන්නවා ද?
දියණිය වෛද්‍යවරියක කිරීමට සිහින දුටු මවත් වෛද්‍ය විද්‍යාලයට සුදුසුකම් ලබයි
2025 අගෝස්තු 18, සඳුදා දින 01.29.59
කුඩා කාලයේදී අමුතවල්ලි වෛද්‍යවරියක වීමට සිහින මැව්වා ය. නමුත් පාසල් අවසාන විභාගයෙන් ප්‍රමාණවත් ලකුණු ලබා ගැනීමට ඇය අසමත් වූ නිසා, ඒ වෙනුවට භෞතචිකිත්සාවට යොමු වූවා ය. පසුගිය වසරේ, ඇය ඇගේ එක ම දියණිය වන සම්යුක්තාට වෛද්‍ය විද්‍යාල ප්‍රවේශ විභාග සඳහා සූදානම් වීමට සහය වූ අතර, පසුව ඇයත් විභාගයට පෙනී සිටීමට තීරණය කළා ය.
ඡායාරූප මාධ්‍යවේදී කනපතිපිල්ලෙයි කුමනන් PTA යටතේ පැය 7කට ආසන්න CTID ප්‍රශ්න කිරීමකට
2025 අගෝස්තු 18, සඳුදා දින 12.11.04
දේශීය හා ජාත්‍යන්තර මාධ්‍ය ආයතන කිහිපයකට සිය දායකත්වය ලබා දෙන කුමනන් උතුරු නැගෙනහිර අතුරුදන්වූවන්ගේ විරෝධතා, සමූහ මිනීවළවල් සම්බන්ධයෙන් මෙන් ම ඉඩම් ගැටලුව වැනි දෙමළ ජනයා මුහුණ දෙන ගැටලු සම්බන්ධව ඡායාරූප වාර්තාකරණයේ නිරත වන්නෙකි.
කංසා අපනයනය සම්බන්ධයෙන් ආණ්ඩුවේ ස්ථාවරයේ වෙනසක් සිදු වී තිබේ ද?
2025 අගෝස්තු 14, බ්‍රහස්පතින්දා දින 13.40.42
“ලංකාවෙ ගංජා හදල ද ආර්ථිකය හදන්න යන්නෙ? එහෙනම්, කුඩු විකුණලත් අපට පුළුවන් නෙ සල්ලි හොයන්න. එහෙනම්, අපට අපේ ආර්ථිකය හදන්න ඕන තරම් සල්ලි හොයන්න පුළුවන් ලෝකෙට කුඩු විකුණලා. ඒක හරි ද?” කංසා වගා කර අපනයන ආදායමක් ලබා ගැනීම සඳහා පෙර පැවති රජයේ ගෙන ආ යෝජනාව සම්බන්ධයෙන් ඉහත කී ප්‍රතිචාරය (රූපවාහිනී සංවාදයක) දැක්වූයේ, වත්මන් රජයේ විදේශ අමාත්‍ය ධූරය දරන විජිත හේරත් ය. ඒ, මීට වසර කිහිපයකට පෙර ය.
ඔබේ පසුම්බියේ ව්‍යාජ නෝට්ටු තිබේ ද?: ව්‍යාජ මුදල් නෝට්ටුවක් හඳුනාගන්නේ කෙසේ ද?
2025 අගෝස්තු 14, බ්‍රහස්පතින්දා දින 03.35.57
“ටිකකින් මැනේජර් මට එන්න කියලා කිව්වා, මම දුන්න සල්ලිවල පන්දාහේ කොළයක් තියෙනවා ඒක හොර එකක් කියලා කිව්වා. ඒක අහපුවා ම මාව රත් වෙලා ගියා. මගෙන් විස්තර ඇහුවා ඒක කොහොම ද ලැබුණේ කියලා. මට ඉතින් ඒක මතක තිබුණේ නැහැ. බැංකුවේ අය කිව්වා ඔයාව දන්න නිසා බය වෙන්න එපා කියලා. ඒ අය ඒ නෝට්ටුව විනාශ කරනවා කිව්වා. එහෙම කියලා මගෙන් තව පන්දාහක් ඉල්ල ගත්තා මගෙ එකවුන්ට් එකට සල්ලි දාන්න. එදා ඉඳලා සල්ලි ගනිද්දි මම ගොඩක් පරිස්සම් වෙනවා.”
විශ්වාසභංගයකට මුහුණ දීමට නියමිත විශ්‍රාමික මේජර් ජෙනරල් අරුණ ජයසේකර කවුද?
2025 අගෝස්තු 13, බදාදා දින 03.42.01
විශ්‍රාමික මේජර් ජෙනරාල් අරුණ ජයසේකර සිදුකළ ප්‍රකාශයක් සම්බන්ධයෙන් සමාජ මාධ්‍යයේ වැඩි අවධානයක් යොමු වුයේ ඔහු නියෝජ්‍ය ආරක්ෂක අමාත්‍යවරයා ලෙස පත්වීමෙන් පසුව ය. ඒ දිනෙන් දින රට පුරා වාර්තා වූ වෙඩි තැබීමේ සිදුවීම් හේතුවෙනි. 2024 වසරේ ජනවාරි මාසයේදී විශ්‍රාමික රණවිරුවන් සමග පැවති රැස්වීමකදී ඔහු පැවසුවේ මත්ද්‍රව්‍ය ජාවාරම මෙරටින් තුරන් කිරීමට අවශ්‍ය වන්නේ මාස දෙකක් පමණක් බවයි.