world-service-rss
BBC News Pashto
د طالبانو حکومت له چین سره د نښلوونکي واخان دهلیز سړک پرانیست
AP ۱۴۰۵ تله ۱۲, يونۍ په ۱۱:۵۱:۱۰
د طالبانو حکومت د افغانستان شمال ختیخ کې له چین سره د نښلوونکي واخان دهلیز د سړک پروژې د بشپړېدو اعلان وکړ. د دې پروژې مسوول محمد اسماعیل بدر ویلي: “اوس موږ له چین سره په مستقیم ډول وصل یو. که هر رنګه موټر وي، که غټ وي، که وړ وي، اوس هلته رسېدلی شي.” د طالبانو حکومت چارواکي وایي، دغه پروژه افغانستان لپاره سیاسي، اقتصادي او ترانزیټي اهمیت لري.
د پاکستان تحریک انصاف ګوند: د سهیل اپریدي په مشرۍ له لکي مروت سیمې لاریون پیل شوی
AP ۱۴۰۵ تله ۱۲, يونۍ په ۱۵:۱۶:۰۶
د پاکستان له فدرالي حکومت سره د خبرو له ناکامۍ وروسته، د پاکستان تحریک انصاف ګوند د خیبر پښتونخوا د اعلیٰ وزیر سهیل اپریدي په مشرۍ له لکي مروت سیمې هغه لاریون پیل کړی، چې دوی د لانګ مارچ نوم ورکړی دی. د لاریون په پیل کې د خیبر پښتونخوا اعلی وزیر ګډونوالو ته په وینا کې وویل، نن به د خیبر سیمې پر لور وخوځېږي او په وینا یې تمه ده چې د دوشنبې تر ورځې پورې به د ده په خبره په خیبر کې د ګډونوالو شمېر میلیونونو ته ورسېږي.
په افغانستان کې ژورې څاه ګانې او مرګونې پېښې
AP ۱۴۰۵ تله ۱۲, يونۍ په ۱۰:۳۷:۱۵
د افغانستان د اوبو کړکېچ هره ورځ یو نوې بڼه خپلوي، چې د اوبو پر زېرمو د خلکو زیاتېدونکې تکیه په ډېرو سیمو کې خلک اړ کړي چې لا ژورې څاهګانې وکیندي او د څاهګانو شمېر هم ډېر شوی دی.
د بالیووډ نوی فلم ‘درشیم ۳’؛ ‘نه سندرې لري، نه د نڅا ځانګړې صحنې، خو بیا هم یو شاهکار دی’
AP ۱۴۰۵ تله ۱۲, يونۍ په ۱۱:۱۰:۴۰
د ‘درشیم’ په نامه نوی هندي فلم نندارې ته وړاندې شوی، چې د رپوټونو له مخې د عاید له پلوه په لومړۍ ورځ یو بریالی فلم بلل شوی دی. د بي بي سي هندي څانګي یاسر عثمان په خپل رپوټ کې د سرچینو په حواله وايي، چې د یاد فلم درېیمې او وروستۍ برخې نندارې ته له وړاندې کېدو وروسته په دوو لومړنیو ورځو کې نژدې ۱۰۰ کروړه روپۍ عاید درلود. دغه فلم چې مشهورو هندي فلمي ستورو اجې دېوګن او تبو پکې مرکزي رولونه لوبولي دي، د اجې دېوګن لپاره هم یو خورا بریالی فلم بلل کېږي.
د طالبانو حکومت پلاوی هغو پوځي تمریناتو ته وربلل شوی چې ولسمشر پوتین هم ورغلی و
AP ۱۴۰۵ تله ۱۱, اونۍ په ۱۸:۰۱:۵۷
د طالبانو حکومت دفاع وزارت وايي، یوه جپګوړي پلاوي یې د مسکو په بلنه د ۲۰۲۶ کال لپاره د روسیې په ستراتېژیکو پوځي تمریناتو (مرکز - ۲۰۲۶) کې ګډون کړی دی. دغه وزارت په یوه ویناپاڼه کې ویلي، د دوی پلاوي “د تمریناتو د عملي پړاوونو پر لیدو سربېره، د درنو وسلو، بېپیلوټه الوتکو، لېرې واټن ویشتونکو توغندیو، روباټیک سیسټمونو او نورو عصري پوځي تجهیزاتو” نندارتون ته هم ورغلی دی.
بلجیم وايي لسګونه د جنايي مخينې لرونکي افغانان وباسي
AP ۱۴۰۵ تله ۱۱, اونۍ په ۱۶:۵۰:۱۵
د بلجيم د کډوالۍ وزيرې ويلي، شاوخوا ۶۰ افغانان چې د دې په وینا ډېری یې د “وژنې او جنسي تېري” په څېر په درنو جرمونو محکوم شوي، د خپلې سزا له بشپړېدو وروسته به له دغه هېواده وايستل شي.
“روسيې د کيېف پر دويم ستر پله برید کړی”
AP ۱۴۰۵ تله ۱۱, اونۍ په ۱۳:۴۱:۱۳
د اوکراييني چارواکو په وینا د روسيې په يوه برید کې د کيېف دویم ستر پل په نښه شوی. دا په داسې حال کې ده چې روسيې پر اوکرايينۍ پلازمېنه کې پر مهمو بنسټونو بریدونو ته زور ورکړی دی.
د پيشوګانو سترګې څنګه څېړونکي د انځور اخیستنې ټیکنالوژۍ پراختیا ته هڅوي؟
AP ۱۴۰۵ تله ۱۱, اونۍ په ۱۱:۵۱:۵۲
د ۱۹۳۳ کال په یوه داسې شپه چې هر څه لړو یا ګردونو په سر اخیستي وو، پرسي شو په خپل موټر کې د کور لوري ته رهي و، چې د سړک پر غاړه یوه رڼا وبرېښېده او هغه یې درېدو ته اړ کړ
د ټرمپ له ګواښ وروسته به جي۷ میلیونونه بېرله تېل او ډیزل بازار ته وړاندې کړي
AP ۱۴۰۵ تله ۱۱, اونۍ په ۷:۳۸:۰۷
جي۷ اعلان کړی چې د تېلو او ډیزلو ۱۰۰ میلیونه بېرله به بازار ته وړاندې کړي، چې د عرضې هغه اندېښنې راکمې کړي چې د بیو د چټک لوړېدو لامل شوې دي. د جي۷ مشرانو په یوه اعلامیه کې ویلي، چې په دې اقدام کې به په راتلونکو ۲۰ ورځو کې د ډیزلو “د پام وړ اندازه” بازار ته وړاندې شي او د اړتیا په صورت کې به د ډیزلو د نورو زېرمو د خوشې کولو په اړه هم خبرې وشي.
دلته یې کېکاږئ
AP ۱۴۰۳ وری ۲۷, دونۍ په ۱۱:۲۰:۵۹
په خپل ګرځنډه ټیلیفون کې د بي بي سي پښتو تازه خبرونه، څېړنیز رپوټونه او د افغانستان، پاکستان او نورې نړۍ په اړه ځانګړې معلوماتي لیکنې لوستلی شئ.
فاطمة الزهراء المنصوري؛ لومړنۍ مراکشۍ د لومړي وزارت مقام کې
AP ۱۴۰۵ تله ۱۱, اونۍ په ۱۱:۳۶:۰۹
د مراکش پاچا محمد شپږم د سې شنبې په ورځ فاطمه الزهراء المنصوري د نوي حکومت د جوړولو لپاره مشره وګومارله، چې په دې سره د مراکش په تاریخ کې لومړنۍ ښځه شوه چې دغه مقام ته رسېږي.
کرېکټ: هند پاکستان ته په ماتې ورکولو د ۲۰۲۶ کال د اسيالي لوبو د سرو زرو مډال وګاټه
AP ۱۴۰۵ تله ۱۱, اونۍ په ۹:۲۶:۵۶
هند د ۲۰۲۶ کال د کرېکټ اسيايي شل اوريزو لوبو کې پاکستان ته د ۱۹ منډو په توپير ماته ورکړه او د سرو زرو مډال یې وګاټه. هند د پچې له ګټلو سره لومړی توپوهنه وکړه او پاکستان ته یې په ټاکلو شلو اورونو کې د ۲۱۲ منډو هدف وټاکه چې پاکستان ونشوای کړی پوره یې کړي او د شپږو لوبغاړو په سوځېدو سره یې ۱۹۲ منډې وکړې.
افغانستان د مالګې تولید کې پر ‘ځانبسیا’ شوی؛ مصرفوونکي یې له کیفیت شکایت کوي
AP ۱۴۰۵ تله ۱۱, اونۍ په ۶:۱۶:۲۴
د افغانستان د صنعتکارانو اتحادیه او د طالبانو حکومت وایي چې “افغانستان د مالګې په تولید کې پر ځان بسیا شوی” او نور د دې محصول واردولو ته اړتیا نه لري. د طالبانو حکومت د چارواکو په وینا، د افغانستان د مالګې کلنۍ اړتیا شاوخوا ۳۰۰ زره ټنه ده، په ورته وخت کې په هېواد کې د مالګې کلنی تولید ۳۴۴ زره ټنو ته رسېدلی. د طالبانو حکومت د ویاند مرستیال، حمدالله فطرت ویلي، چې د افغانستان له کانونو د استخراجېدونکې مالګې اندازه د هېواد د خوراکي او صنعتي برخو اړتیاوې پوره کوي.
د پاکستان حکومت او اپوزېسیون خبرې: د سهیل اپریدي څرګندونې ولې لانجمنې شوې؟
AP ۱۴۰۵ تله ۱۱, اونۍ په ۱۴:۳۱:۲۸
د حکومت او اپوزېسیون ترمنځ د خبرو اترو دویم پړاو (نن شنبه) د پارلمان ودانۍ کې روان دی. د پاکستان د قومي اسمبلۍ رییس سردار ایاز صادق د دغه مذاکراتي بهیر کوربه دی او د واکمن مسلم لیګ (ن)، پاکستان پیپلز ګوند او تحریک انصاف استازو پکې برخه اخیستې. دا په داسې حال کې ده چې د تحریک انصاف لخوا د پلان شوي لوی لاریون په تړاو د خیبرپښتونخوا د اعلی وزیر څرګندونې لانجمنې شوې دي.