world-service-rss
BBC News Pashto
ټرمپ د افغانستان او ایران په ګډون د ۱۲ هېوادونو پر اتباعو امریکا ته د سفر بندیز لاسلیک کړ
__
د امریکا ولسمشر ډونلډ ټرمپ د یوه فرمان له مخې چې سپینې ماڼۍ ویلي د څو ورځې مخکې د یوه مصري سړي له لوري کلوراډو کې د یهودانو پر یوه غونډه د شوي برید په غبرګون کې صادر شوی، امریکا ته د ۱۲ هېوادونو د وګړو پر ننوتلو بندیز لګولی او همداراز یې د اوو نورو هېوادونو پر وګړو جدي محدودیتونه وضع کړي دي.
د ټرمپ د توغندیو دفاع سیستم ګولډن ډوم څه شی دی، او څنګه به کار کوي؟
AP ۱۴۰۴ غبرگولی ۱۵, پينځنۍ ۱۱:۵۲:۴۹
لنډیز: د امریکا ولسمشر ډونلډ ټرمپ د څو میلیارد ډالرو په ارزښت د توغندیو یو عصري دفاعي سیسټم غواړي چې په وینا یې ټوله امریکا خوندي کړي خو دا به څنګه کار کوي، څومره لګښت به ولري، او نور هېوادونه یې په اړه څه فکر کوي؟
“د هارورډ پوهنتون د زدکړو لپاره مې ۲۰۰,۰۰۰ ډالر راټول کړل، خو اوس ناڅرګند برخلیک کې یم”
AP ۱۴۰۴ غبرگولی ۱۵, پينځنۍ ۵:۳۰:۲۱
فاتو ووري او د هغې ټولنې د امریکا هارورډ پوهنتون کې د زدکړو لپاره ۲۰۰,۰۰۰ ډالر راټول کړل، او دا مهال یوازې یې فراغت ته یوڅو میاشتې پاتې دي، خو اوس د سیرا لیون دا محصله له ناڅرګند برخلیک سره مخ ده.
په وسلو ګواښل؛ اسرائیلي ځواکونو د سوریې سوېل کې د بي بي سي ټیم نیولی
AP ۱۴۰۴ غبرگولی ۱۴, څلرنۍ ۲۳:۱۲:۱۲
په سوریه کې د مې د نهمې نېټې یو ارام پسرلنی سهار وو چې د بیبيسي ټیم له دمشق نه د درعا ولایت د نوى ښار پر لور وخوځېد، چې له هغه ځایه د ۱۹۶۷م کال راهیسې د اشغال شوي جولان لوړو ته لاړ شي. موږ اووه کسان وو: زه د راپور ورکوونکي په توګه چې د برېتانیا تابعیت لرم، دوه عراقیان د بیبيسي له بغداد دفتره او څلور سوریایان - درې يې خپلواک کارکوونکي او یو د بیبيسي عکس اخیستونکی له دمشق نه.
څنګه د حج په مراسمو کې خپلې روغتیا ته پام وکړو؟
AP ۱۴۰۴ غبرگولی ۱۴, څلرنۍ ۱۷:۱۹:۰۶
هر کال د نړۍ له ګوټ ګوټ څخه نږدې دوه میلیونه مسلمانان د سعودي عربستان سپېڅلي ښار مکې ته د حج لپاره ځي، چې د اسلام له پنځو بناوو څخه یوه یې بشپړه کړي. دا یوه دیني فریضه ده چې د ذو الحجة میاشت کې ترسره کېږي. دا د اسلامي کالېزې وروستۍ میاشت ده. سږکال دا د جون له ۴ مې تر ۹مې پورې ورځو کې برابره شوه او له یو میلیون ډېر مسلمانان به دا بهیر ترسره کړي.
اسلام اباد کې د ټېک ټاکرې ثنا یوسف وژنه: “پاکستان کې د جنسیت پر بنسټ باید څوک و نه وژل شي”
AP ۱۴۰۴ غبرگولی ۱۳, درېنۍ ۱۵:۱۲:۲۶
د پاکستان د پلازمېنې اسلام اباد پولیس وايي، د ټیک ټاکرې ثنا یوسف په وژنه تورن کس یې نیولی دی. ثنا یوسف ۱۷ کلنه وه او پر خواله رسنیو ټېک ټاک او انسټاګرام یې ګڼ شمېر پلویان لرل. دا دوشنبه (مې دویمه) ماښام مهال په خپل کور کې د یوه نامعلوم کس له خوا په ډزو وژل شوې ده. د پاکستاني رسنیو د راپورونو له مخې، ثنا یوسف د ‘خیبر پښتونخوا د چترال’ اوسېدونکې وه چې له څو مودې راهیسې له کورنۍ سره پلازمېنه اسلام کې اوسېده.
روسیې د طالبانو حکومت سفیر ومانه: مسکو او کابل د څه په لټه کې دي؟
AP ۱۴۰۴ غبرگولی ۱۳, درېنۍ ۱۷:۳۳:۴۴
د افغانستان پلازمېنه کابل کې د روسیې سفیر دیمیتري ژیرنوف د یکشنبې په ورځ د طالبانو حکومت د بهرنیو چارو وزیر امیر خان متقي سره لیدنه کې، په مسکو کې د طالبانو حکومت د سفیر د منلو او د دواړو هېوادونو ترمنځ د ډیپلوماټیکو اړیکو د پیاوړتیا خبره وکړه. تر دې مخکې مسکو کې د طالبانو حکومت استازی د سرپرست یا شارژدافیر په کچه و. روسیه یو له هغو هېوادونو ده چې د طالبانو له بیا واکمنېدو سره یې کابل کې سفارت بند نه کړ.
ایا د افغانستان قوش تېپې کانال د منځنۍ اسیا اوبه کموي؟
AP ۱۴۰۴ غبرگولی ۱۱, يونۍ ۱۵:۰۱:۳۹
د افغانستان په شمال کې د قوش تېپې کانال د چارو له پرمختګ سره هممهاله د منځنۍ اسیا هېوادونه د امو سیند د اوبو د کمېدو په هکله اندېښنې ښيي. په افغانستان کې د طالبانو حکومت تازه ویلي چې د دې کانال نژدې سل کیلومتره اوږد دویم پړاو یا فاز په بشپړېدو دی. د تاجکستان د راغون او د قوش تېپې کانال په څېر سترو پروژو په منځنۍ اسیا کې د اوبو د سرچینو وېش په جنجالي مسله بدل کړی دی.