world-service-rss

BBC Kyrgyz

Трамп ага кол салынса, Иранга катуу сокку уруларын эскертти

2026-ж., 11-июль, ишемби 10:09:58

АКШ президенти Дональд Трамп Иран анын өмүрүнө кол салууга аракет кылса, АКШ буга катуу жооп кайтарарын билдирди. Ал Truth Social социалдык тармагындагы баракчасына мындай жагдай үчүн алдын ала көрсөтмөлөр берилгенин жазды.

АКШ Ирандан Ормуз кысыгындагы кемелерге ок чыгарбоого убада берүүнү талап кылууда

2026-ж., 11-июль, ишемби 04:06:08

АКШ ишембиге белгиленген сүйлөшүүлөрдүн алдында Ирандан Ормуз кысыгы деңиз каттамдары үчүн ачык экенин расмий жарыялоону жана коммерциялык кемелерге ок чыгарбоого милдеттенме алуусун талап кылууда.

Адылбек Касымалиев: тышкы карыз боюнча кооптонууга негиз жок

2026-ж., 11-июль, ишемби 09:14:13

Министрлер кабинетинин төрагасы Адылбек Касымалиев Кыргызстандын тышкы карызы учурда өлкө үчүн көйгөй жаратпай турганын билдирди. Акипресс маалымат агенттигине берген маегинде кыргыз өкмөт башчысы мамлекеттик карызды баалоодо анын көлөмүнөн көрө анын ички дүң өнүмгө (ИДӨ) болгон катышы маанилүү экенин айтты.

Аккредитациядан кийин: индиялык студенттердин тагдыры талкууда

2026-ж., 11-июль, ишемби 06:58:13

Бишкектеги Индиянын консулу Кыргызстандагы индиялык медициналык студенттердин келечегине байланыштуу тынчсыздануусун билдирди.

Жарандык авиация TezJet авиакомпаниясынын лицензиясын жокко чыгарды

2026-ж., 10-июль, жума 11:19:38

Жарандык авиация мамлекеттик агенттигинин инспекторлору TezJet авиакомпаниясынын ишмердүүлүгүн текшерип чыгып, лицензиясын чакыртып алды.

Оюндун жадыбалын жана жыйынтыктарын бул жерден билиңиз

2026-ж., 11-июнь, бейшемби 15:07:09

Футбол мелдештериндеги бир дагы голду өткөрүп жибербеңиз

Каналга катталыңыз

2024-ж., 15-апрель, дүйшөмбү 11:20:59

Биздин каналдан дүйнөдөгү жана Кыргызстандагы күндүн башкы жаңылыктарын жана Би-Би-Синин эксклюзивдүү баяндарын биринчилерден болуп окуңуз

“Мындан да жаман болмок”. НАТОнун Анкарадагы саммити кандай өттү?

2026-ж., 9-июль, бейшемби 09:40:28

НАТОнун Түркиядагы саммити альянста биримдик жана туруктуулук өкүм сүрүп жатканын дүйнөгө көрсөтүү максатын көздөгөн. Бирок анын жыйынтыгы эки анжы таасир калтырды: АКШнын президенти Дональд Трамптын альянстагы союздаштарынын дарегине айткан ачуу сөздөрү жана Жакынкы Чыгыштагы жаңы чыңалуу жолугушуунун урунттуу учурлары болуп калды.

“Мен дагы периште эмесмин”. Активист Тилекмат Кудайберген уулу ким?

2026-ж., 10-июль, жума 10:40:24

Бишкек шаарынын Ленин райондук сотунда активист Тилекмат Кудайберген уулунун (Фейсбукта Күрөңов деген атасынын фамилиясы менен белгилүү) соту уланды. Ал жана анын адовкаты айыптоолорду четке кагууда. Талаштуу билдирүүлөрү талкуу жараткан активисттин сотуна жана ага байланыштуу негизги бардык жагдайларга токтолобуз.

Күйүүчү май кризиси: Борбор Азия өлкөлөрү кандай чараларды көрүүдө?

2026-ж., 10-июль, жума 04:25:35

Орусиядагы күйүүчү май кризиси Борбор Азияга да таасирин тийгизүүдө. Кайсы өлкө кандай чараларды көрүүдө? Ким жаңы камсыздоочуларды издеп жатат, ким көзөмөлдү күчөтүүдө, ал эми Өзбекстанда резервдер канча мөөнөткө жетет?

Хаменеинин тажиясы Борбор Азия менен Ирандын алакасындагы кандай өзгөрүүлөрдү көрсөттү?

2026-ж., 9-июль, бейшемби 12:02:48

Ирандын Жогорку лидери Али Хаменеи менен коштошуу аземи Борбор Азия өлкөлөрүнүн Тегеран менен болгон мамилесине дагы бир жолу көңүл бурдурду. Аймактагы мамлекеттердин өкүлдөрү тажияга ар башка деңгээлде катышты.

Испанияда токой өртүнөн 12 адам каза болду. Түштүк Европада аптаптуу ысык дагы эле уланууда

2026-ж., 10-июль, жума 05:07:48

Андалусия аймактык өкмөтүнүн маалыматына ылайык, Испаниянын түштүк-чыгышындагы Альмерия провинциясынын Лос-Гальярдос аймагында чыккан токой өртүнөн кеминде 12 адам каза болуп, дагы алты адам жаракат алды.

АКШ Трамптын элдешүү аяктаганы тууралуу билдирүүсүнөн кийин Иранга каршы жаңы соккуларды баштады

2026-ж., 9-июль, бейшемби 05:09:21

АКШнын аскерлери шаршемби күнү кечинде Иранга каршы жаңы соккулар жасалганын билдиришти. Бул АКШ президенти Дональд Трамп ок атышууну токтотуу боюнча келишимдин мөөнөтү аяктады деп эсептей турганын билдиргенден көп өтпөй болду. Соккулар менен жооп кайтаруулар НАТОнун Анкарадагы саммитинин алдында башталды. Аскердик чыңалууга Ирандын Ормуз кысыгы аркылуу өткөн соода кемелерине жасаган чабуулдары себеп болгону айтылууда.

Ош: ВИЧ жуккан балдардын энелери МИКтен үй берүүнү талап кылды

2026-ж., 10-июль, жума 11:50:19

20 жыл мурун Ош облусунун Ноокат жана Кара-Суу райондорундагы ооруканаларда дарыгерлердин шалаакылыгынан улам ВИЧ жуккан балдардын энелери мамлекеттен турак жай жана социалдык колдоо талап кылышууда. 10-июлда Ош облустук балдар ооруканасынын алдына чогулган энелер балдарына Мамлекеттик ипотекалык компания аркыоуу үй берүү талабы менен бийликке кайрылышты.

“Коштоштум, асынам деп кампага кирдим”: Эрте никеге туруп, тагдыры талкаланган келин

2026-ж., 10-июль, жума 05:12:23

“Жашагым келбей, жашоодон тажап кеттим. Ошол түнү балдарымды уктатып, аларды кайра-кайра өөп-жыттап, көпкө чейин ыйладым. Гусул алып, кампага жөнөдүм. Башымдагы жоолугумду чечип, темирге байлап, өзүмө кол салууну ойлодум…”,- деп сөз баштады өзүн Назира (аты өзгөртүлдү) деп тааныштырган келин.

2025-жыл: Эрте кош бойлуулуктан жүздөгөн өспүрүм кыз эне болгон

2026-ж., 9-июль, бейшемби 07:04:55

Кыргызстанда эрте никенин кесепетинен 2025-жылы 320 өспүрүм кыз эне болгону расмий белгилүү болду. Укук коргоочулар кыздарды эрте турмушка берүү маселеси менен олуттуу күрөшүүгө чакырышууда. Кыргызстан Борбор Азияда эрте нике жана эрте төрөт маселеси курч турган жалгыз мамлекет эмес.

400 окуучунун тагдыры: Имарат ээси менен ижарачынын талашы

2026-ж., 9-июль, бейшемби 11:14:20

Оштогу “Кел Бил” жеке менчик мектебинин негиздөөчүлөрү Өмүрбек Акбарали уулу жана анын жубайы Үмүт Кушбак кызы мындан эки жыл мурун ижарага имарат алып, оңдоп-түзөп, окуучулары менен көчүп киришкен. Бирок азыр имарат ээси алардын чыгып кетүүсүн талап кылып жатат. Жубайлар окуу башталышына аз калганын айтып, мектеп жабылса, 400 окуучу кайда барат деп сарсаана. Ал эми имарат ээси келишим мөөнөтү бүткөнүн билдирүүдө. Учурда бул иш боюнча милиция тергөө иштерин жүргүзүүдө.

“Кырсык эскиликтен эмес, тейлөөдөн”: TezJet компаниясы тейлөөдөн ката кетирдиби?

2026-ж., 8-июль, шаршемби 12:45:18

TezJet компаниясынын кырсыкка кабылган учагы боюнча Жарандык авиация мамлекеттик агенттиги териштирүү жүргүзүүдө. Учурда компаниянын бардык каттамдары убактылуу токтотулганын “Манас” эл аралык аэропортунун басма сөз кызматы билдирди.

Жарандарды тыңшоо, телефондорду өчүрүү: УКМКнын ыйгарым укуктары кандай өзгөрдү?

2026-ж., 8-июль, шаршемби 10:40:35

Кыргызстанда атайын кызматка куралдуу кагылышуу же өзгөчө кырдаал шартында айрым мобилдик каражаттарды өчүрүү жана абоненттер тууралуу маалымат алуу укугу берилди. Президент тийиштүү мыйзам долбооруна кол койду.

“Автокара айдайм деп кеткен”. Братиславада көлдө кыргыз жигитинин сөөгү табылды

2026-ж., 8-июль, шаршемби 08:23:21

Словакиянын борбору Братислава шаарындагы Zlaté piesky (Алтын кум) көлүндө кайгылуу окуя катталды. Көлдөн 20 жаштагы кыргызстандык жарандын сөөгү табылды. Бул тууралуу бул өлкөнүн жергиликтүү басылмалары билдиришти.

Кыргыз туусу менен деңиз кезген кемелер: уруксатты ким берет?

2026-ж., 8-июль, шаршемби 11:52:06

Кыргызстан - деңизге жолу жок өлкөлөрдүн бири. Бирок интернеттен издесеңиз, кыргыз туусунун алдында ондогон кемелер сүзүп жүргөнүн көрөсүз.

АКШ танкерлерге жасалган чабуулдардан кийин Ирандагы буталарга сокку урду жана мунай сатууга кайрадан тыюу салды

2026-ж., 8-июль, шаршемби 05:16:33

АКШ Ормуз кысыгына жакын, Омандын аймактык сууларындагы үч соода кемесине жасалган чабуулдарга жооп катары Иранга жаңы соккуларды урду. Ошондой эле Вашингтон Тегеранга мунай сатууга уруксат берген лицензияны жокко чыгарды. Мунун фонунда, Түркияда өтүп жаткан НАТО саммитинде АКШ президенти дүйнөлүк лидерлер менен жолугуп жаткан учурда, морт болуп турган тынчтык келишими кайрадан коркунучка кептелди.

Казакстан: Конституциялык сот Токаевдин президенттик мөөнөтүн нөлгө түшүрдү. Бул эмнени билдирет?

2026-ж., 8-июль, шаршемби 06:22:05

Казакстандын Конституциялык соту өлкөнүн жаңы Конституциясынын кабыл алынышы президент Касым-Жомарт Токаевдин жана башка кызмат адамдарынын мөөнөттөрүнүн санын нөлгө түшүрөт деп чечти. Бул 73 жаштагы Токаев эми президенттик кызматка кайрадан талапкерлигин коё алат дегенди билдирет. Эгерде ал шайлоодо жеңип чыкса, ал анын биринчи мөөнөтү катары эсептелинет.

“Манас” аэропортунда учак кырсыктады. 181 жүргүнчү эвакуацияланды

2026-ж., 7-июль, шейшемби 11:50:26

Бишкекте “Манас” эл аралык аэропортунда TezJet компаниясынын учагы кырсыкка кабылды. “Кыргызстан аэропорттору” ишканасы авария болгонун тастыктады.

Баткенде 28 чек ара кызматкери кармалды. УКМК көзөмөл-өткөрмө бекеттердеги операция боюнча маалымат берди

2026-ж., 7-июль, шейшемби 08:37:43

Улуттук коопсуздук боюнча мамлекеттик комитети (УКМК) Мамлекеттик бажы кызматынын Ички иликтөө башкармалыгы менен биргеликте Баткен облусуна караштуу Кадамжай районундагы эки көзөмөл-өткөрмө бекетте атайын операция жүргөнүн жана ондогон аскер кызматкерлери кармалганын ырастады.

Украина Омск мунай заводуна сокку урду. Кыргызстанга тийгизген таасири

2026-ж., 7-июль, шейшемби 10:26:00

Атайын операциялардын күчтөрү Украина менен чек арадан дээрлик 2500 чакырым алыстыкта жайгашкан Омск мунайды кайра иштетүүчү заводуна сокку урду. Бул тууралуу Украинанын Куралдуу күчтөрүнүн Башкы штабы билдирди. Омск облусунун башчысы алгач Украина учурган дрондор “Омсктун түндүк өнөр жай түйүнүнө жеткенин” гана айткан, бирок, көп өтпөй мунайды кайра иштетүүчү заводго чабуул коюлганын моюнга алды. Би-Би-Синин аскердик баяндамачысы Павел Аксенов дрондордун 2500 чакырым аралыкты учуп өткөнү гана эмес, ошол эле учурда алардын атып түшүрүлбөгөнү да бул соккуну өзгөчө кылып жатканын белгилейт. Бул кандайча мүмкүн болду?

УКМК төрагасынын мурдагы орун басары Шадыбеков кармалды

2026-ж., 7-июль, шейшемби 05:44:00

Улуттук коопсуздук боюнча мамлекеттик комитеттин (УКМК) төрагасынын мурдагы орун басары – атайын кызматтын Киберкоопсуздукту камсыздоо боюнча координациялык борборунун директору Уранбек Шадыбеков кармалды. Би-Би-Синин өз булактары аны Аскердик прокуратура кармап, суракка алып жатканын билдиришти.