world-service-rss

BBC News ગુજરાતી

અર્નબ વાવાઝોડું : બંગાળની ખાડીમાં સર્જાયું ભયાનક વાવાઝોડું, દરિયાકિનારે ત્રાટકશે ત્યારે શું થશે?

સોમવાર, 26 ઑક્ટોબર, 2026 1:01:20 PM

ભારત પર ચોમાસા બાદ વાવાઝોડાનો ખતરો તોળાઈ રહ્યો છે. બંગાળની ખાડીમાં ‘અર્નબ’ નામનું વાવાઝોડું સર્જાયું છે. આ વાવાઝોડું આગામી બે દિવસમાં હજી પણ વધારે ખતરનાક બનવાની સંભાવના છે.

ઘરે કરાતા આ ફિનટેસ ટેસ્ટ જણાવી શકે છે ભવિષ્યનો ખતરો

સોમવાર, 26 ઑક્ટોબર, 2026 3:23:06 PM

એચઆરઆર અને કોઈ વ્યક્તિમાં મૃત્યુના ખતરા વચ્ચે સંબંધનું કારણ વેગસ નર્વને માનવામાં આવે છે. આ એક પ્રમુખ નસ છે, જે મગજ અને શરીરના અન્ય ભાગો વચ્ચે મહત્ત્વપૂર્ણ કડીનું કામ કરે છે.

અઝીઝ ટંકારવીની કવિતાને માહિતી વિભાગના ‘ગુજરાત’ મૅગેઝિનમાંથી હઠાવાઈ, વિશ્વ હિન્દુ પરિષદે કેમ માગ કરી હતી?

સોમવાર, 26 ઑક્ટોબર, 2026 12:07:58 PM

આ કવિતા ગુજરાતના માહિતી ખાતા દ્વારા પ્રકાશિત થતાં મૅગેઝિન ‘ગુજરાત દીપોત્સવી’માં છપાઈ હતી અને પછી વિશ્વ હિન્દુ પરિષદે મુખ્ય મંત્રીને ઉદ્દેશીને પત્ર લખ્યો હતો અને આ કવિતા હઠાવવાની માગ કરી હતી.

ગુજરાતમાં ચાર જિલ્લામાં દુષ્કાળની જાહેરાત, ખેડૂતોને કેટલા રૂપિયાની સહાય મળશે?

સોમવાર, 26 ઑક્ટોબર, 2026 10:05:32 AM

ગુજરાતમાં ઓછા વરસાદ પછી ચાર જિલ્લામાં મુખ્ય મંત્રી ભૂપેન્દ્ર પટેલે દુષ્કાળની જાહેરાત કરી છે. આ ચાર જિલ્લા દેવભૂમિ દ્વારકા, પોરબંદર, કચ્છ અને જામનગર છે. આજે મુખ્ય મંત્રી ભૂપેન્દ્ર પટેલ અને જિતુ વાઘાણીએ એક પ્રેસ કૉન્ફરન્સને સંબોધીને આ જાહેરાત કરી હતી.

‘ધર્મ બદમાશોથી ભરેલો છે’, PM મોદીએ જેમની સાથે AIથી વાત કરી એ ચિન્મયાનંદના વિચારો કેવા હતા?

સોમવાર, 26 ઑક્ટોબર, 2026 10:30:24 AM

વડા પ્રધાન નરેન્દ્ર મોદીએ ગત 23 ઑક્ટોબરે નવી દિલ્હીમાં ચિન્મય અમૃત મહોત્સવ વૈશ્વિક સંમેલનનું ઉદ્ઘાટન કર્યું હતું. આ વાતચીત દરમિયાન તેમણે સ્વામી ચિન્મયાનંદના AI હોલોગ્રામ સાથે વાતચીત કરી હતી. તેમાં પીએમ મોદીએ 1993માં આધ્યાત્મિક ગુરુ સાથેની તેમની મુલાકાતને યાદ કરી હતી.

મણિપુર : ‘ચાર વર્ષની દીકરી વારંવાર પૂછે છે કે પિતા ક્યાં છે’, હિંસામાં અચાનક આટલો વધારે કેમ થયો?

સોમવાર, 26 ઑક્ટોબર, 2026 8:15:40 AM

મણિપુરના પર્વતીય વિસ્તારોમાં ચાલી રહેલી હિંસા અચાનક જ વધી ગઈ છે. ચાલુ મહિનાની નવમી ઑક્ટોબરથી ફક્ત 10 દિવસની અંદર ઓછામાં ઓછા 14 લોકોની હત્યા કરવામાં આવી છે. 9 અને 10 ઑક્ટોબર દરમિયાન કામજોંગ, કાંગપોકપી અને ઉખરુલ જિલ્લામાં 12 કલાકની હિંસામાં નવ લોકોએ જીવ ગુમાવ્યા હતા. આ હુમલામાં કુકી અને નાગા લોકો માર્યા ગયા હતા.

ગુલશનકુમારની જ્યારે ધોળા દિવસે હત્યા કરાઈ એ સમયે બૉલીવુડમાં અંડરવર્લ્ડની કેવી ધાક હતી?

સોમવાર, 26 ઑક્ટોબર, 2026 6:26:50 AM

12 ઑગસ્ટ, 1997ની સવારે ટી-સિરીઝ કંપનીના માલિક ગુલશનકુમાર હંમેશની જેમ અંધેરીના એક મંદિરમાં દર્શન કરવા આવ્યા હતા. દર્શન કરીને તેઓ બહાર આવ્યા કે તેમના પર ગોળીઓ ચલાવાઈ હતી. ગુલશનકુમાર પર કુલ 16 ગોળીઓ ચલાવાઈ હતી અને તેમનું મૃત્યુ થયું.

વાવાઝોડું ‘અર્નબ’ : 140 કિમીની ઝડપે પવન ફૂંકાશે, ગુજરાતમાં થશે અસર?

સોમવાર, 26 ઑક્ટોબર, 2026 8:39:48 AM

ભારતના દરિયામાં અર્નબ નામનું વાવાઝોડું સક્રિય થયું છે. આ સિસ્ટમ અતિ ગંભીર ચક્રવાતમાં પરિવર્તિત થવાની શક્યતા છે, જેમાં પવનની ઝડપ પ્રતિ કલાક 140 કિલોમીટર સુધી પહોંચી શકે છે.

બ્રાઝિલ ચૂંટણી : જમણેરી રાજકારણને મોટો ઝટકો, ટ્રમ્પ તરફી મનાતા બોલસોનારોની હાર થતાં લુલા બનશે ચોથી વાર રાષ્ટ્રપતિ

સોમવાર, 26 ઑક્ટોબર, 2026 2:35:32 AM

બ્રાઝિલના નેતા લુઇઝ ઇનાસિયો લુલા દા સિલ્વાએ શાનદાર કમબૅક કર્યું છે અને રાષ્ટ્રપતિની ચૂંટણી જીતી લીધી છે. આ જીત સાથે જ 80 વર્ષીય લુલાને ચોથી વખત રાષ્ટ્રપતિ બનવાની તક મળી છે. તેમણે બ્રાઝિલની ચૂંટણીમાં કટ્ટર જમણેરી હરીફ ફ્લેવિયો બોલસોનોરોને મામૂલી અંતરથી હરાવી દીધા છે.

JIO IPO : જ્યારે ધીરુભાઈ અંબાણી રિલાયન્સનો પહેલો આઈપીઓ લાવ્યા અને સામાન્ય લોકો શૅરબજારમાં રોકાણ કરતા થઈ ગયા

શનિવાર, 24 ઑક્ટોબર, 2026 10:41:58 AM

રિલાયન્સ જિયોના આઈપીઓની આટલી બધી ચર્ચા ચાલે છે ત્યારે એ જાણવું રસપ્રદ બનશે કે આજથી 49 વર્ષ અગાઉ રિલાયન્સ જૂથ પહેલો આઈપીઓ લાવ્યું ત્યારે કેવો માહોલ હતો અને રોકાણકારોને તેમાંથી કેટલી કમાણી થઈ હતી?

‘તેઓ બહુ હેન્ડસમ લાગતા હતા’, સોનિયા ગાંધીએ જણાવ્યું કે રાજીવ ગાંધી કેવી રીતે તેમના પ્રેમમાં પડ્યા?

રવિવાર, 25 ઑક્ટોબર, 2026 11:35:09 AM

સોનિયા ગાંધીએ શનિવારે સોશિયલ મીડિયા પ્લૅટફૉર્મ ઍક્સ પર પોતાની શરૂઆત કરી. પોતાની પ્રથમ પોસ્ટમાં તેમણે રાજીવ ગાંધી સાથેની પ્રથમ મુલાકાત અને તેમની સાથે વિતાવેલા શરૂઆતના દિવસોને યાદ કર્યા.

અઝરબૈજાનનું અગ્નિ મંદિર, જ્યાં દેવનાગરીમાં લખાયેલું છે ‘શ્રી ગણેશાય નમઃ’, જાણો તેનો ઇતિહાસ

શનિવાર, 24 ઑક્ટોબર, 2026 11:28:46 AM

અઝરબૈજાન કૅસ્પિયન સમુદ્રના કિનારે આવેલો નાનો અને મુસ્લિમ બહુમતી ધરાવતો દેશ છે. તે અગાઉ સોવિયત સંઘનો ભાગ હતો, પરંતુ સુરાખાની નજીક આવેલા અતેશગાહ અગ્નિ મંદિરમાં દેવનાગરી લિપિમાં ‘શ્રી ગણેશાય નમઃ’ લખેલું છે. દેવનાગરી લિપિમાં તેની અન્ય પાંચ પંક્તિ પણ છે, જેમાં હિંદુ અગ્નિ દેવી જ્વાળાજી સહિત અન્ય દેવી-દેવતાઓનું આહ્વાન કરવામાં આવ્યું છે.

મુકેશ અંબાણીને મળવા અમેરિકાના વિદેશમંત્રી છેક જામનગર કેમ ગયા?

રવિવાર, 25 ઑક્ટોબર, 2026 9:46:34 AM

અમેરિકાના વિદેશમંત્રી માર્કો રુબિયો છ મહિનાની અંદર બીજી વખત ભારતની મુલાકાતે આવ્યા હતા. આ મુલાકાત દરમિયાન સૌથી વધુ ચર્ચા એ વાતની થઈ રહી છે કે રુબિયોએ દિલ્હી બદલે જામનગર જવાનું કેમ પસંદ કર્યું અને ગુજરાતની જામનગરમાં આવેલી રિફાઇનરીનો ભારત-અમેરિકા સંબંધોના ભવિષ્ય સાથે આખરે શું સંબંધ છે?

સોના-ચાંદીના ભાવમાં સતત ઘટાડો, દિવાળી સુધી વધી જશે કે ઘટશે?

રવિવાર, 25 ઑક્ટોબર, 2026 2:42:22 AM

વૈશ્વિક શૅરબજારોમાં ભારે વેચવાલી અને ક્રૂડઑઇલની કિંમત પ્રતિ બૅરલ 117 ડૉલર સુધી પહોંચ્યા બાદ 23 ઑક્ટોબરે સોના અને ચાંદીના ભાવ પર દબાણ જોવા મળ્યું હતું. વૈશ્વિક બજારમાં કૉમેક્સ પર સોનાના વાયદા ભાવ પ્રતિ ઔંસ આશરે 4,030 ડૉલર આસપાસ હતા, જ્યારે ચાંદીનો ભાવ પ્રતિ ઔંસ લગભગ 54 ડૉલર આસપાસ રહ્યો હતો.

ફ્રૅશર્સ પાસે નોકરીઓ નથી, અનુભવી કર્મચારીઓને નોકરી જવાનો ડર - ભારતમાં IT સેક્ટરમાં કેવી સ્થિતિ છે?

શનિવાર, 24 ઑક્ટોબર, 2026 2:48:14 AM

જે આઈટી ક્ષેત્ર ક્યારેક સારા રોજગાર અને ઉચ્ચ પગારનો પર્યાય હતું એ શું પતન તરફ અગ્રેસર છે? આંતરરાષ્ટ્રીય ઘટનાક્રમ અને આર્ટિફિશિયલ ઇન્ટેલિજન્સના વધી રહેલા ઉપયોગને કારણે આઈટી ક્ષેત્ર પર શું ખરેખર પ્રભાવ પડી રહ્યો છે?

1970ના દાયકામાં ‘10 લાખ ડૉલરની કિંમતનાં વાસણો’ લૂંટનારા કબરચોરોની કહાણી

શનિવાર, 24 ઑક્ટોબર, 2026 1:28:59 PM

2016માં નૅશનલ જિયોગ્રાફિકના એક લેખમાં જણાવવામાં આવ્યું હતું, “ભારતમાં મંદિરોમાંથી ચોરી કરતા ખૂની ચોરોથી લઈને બૉલિવિયામાં ચર્ચોમાં લૂંટ ચલાવનારાઓ અને ચીનના લિયાઓનિંગ પ્રાંતમાં કબરો લૂંટતા લૂંટારાઓ આપણા ભૂતકાળને ખોતરીને ખાલી કરી રહ્યા છે.”

માણાવદરના એ નવાબ જેણે ઝીણાને પત્ર લખ્યો, પાકિસ્તાનને પસંદ કર્યું ને રાજપાટ, બધુંય ગુમાવી દીધું

શુક્રવાર, 23 ઑક્ટોબર, 2026 1:02:32 PM

1733માં જૂનાગઢના નવાબ મુહમ્મદ બહાદુર ખાનજી પ્રથમે ‘બાંટવા’નો પ્રદેશ પોતાના નાના ભાઈ દિલેર ખાનજી બાબીને આપ્યો હતો. આ રીતે બાંટવા-માણાવદર અથવા ટૂંકમાં માણાવદર રાજ્યની સ્થાપના થઈ હતી.

અમેરિકા : ‘FBI એજન્ટોથી બચવું અને કોડ ભાષામાં વાત કરવી’, 1970ના દાયકાના ક્રાંતિકારી પરિવારમાં ઉછરેલા બાળકની કહાણી

શનિવાર, 24 ઑક્ટોબર, 2026 6:38:35 AM

અમેરિકામાં અસમાનતા અને વંશીય અન્યાયને ઉજાગર કરવા માટે ‘વેધર અન્ડરગ્રાઉન્ડ’ નામના કટ્ટર યુદ્ધવિરોધી સંગઠને બૉમ્બવિસ્ફોટોનું અભિયાન ચલાવ્યું હતું. તેના નિશાન પર કૅપિટલ, પૅન્ટાગોન અને વિદેશ મંત્રાલય જેવી મહત્ત્વની સરકારી ઇમારતો હતી.