world-service-rss

BBC News አማርኛ

በኦሮሚያ ክልል ሽርካ ወረዳ በተፈጸመ ጥቃት ሕጻናትን ጨምሮ “ከ40 በላይ ሰዎች” መገደላቸውን የዐይን እማኞች ተናገሩ

እሑድ 25 ኦክቶበር 2026 ጥዋት 11:56:31

በኦሮሚያ ክልል፣ አርሲ ዞን፣ ሽርካ ወረዳ በሳምንት ልዩነት ውስጥ በተፈጸመ አዲስ ጥቃት ቢያንስ አምስት ሕጻናትን ጨምሮ ከ40 በላይ ሰዎች መገደላቸው ሦስት የዐይን እማኞች ለቢቢሲ ተናገሩ። ትናንት ቅዳሜ ጥቅምት 14/2018 ዓ.ም. በተፈጸመው ጥቃት የተገደሉ “46 ሰዎች” በአካባቢው በሚገኘው ቤተ ክርስቲያን “በአንድ ጉድጓድ” መቀበራቸውን ሁለት ነዋሪዎች፣ ቀብሩ የተፈጸመበት ቤተ ክርስቲያን እና የወረዳው የቤተ ክርስቲያን ምንጮች ገልጸዋል።

ለምርጫ አንድ ቀን የቀራቸው የእስራኤሉ መሪ ኔታንያሁ 90 በመቶ የሚሆነውን የኢራን የኒውክሌር ፕሮግራም አውድመናል አሉ

__

ነገ ማክሰኞ ፓርላሜንታዊ ምርጫ የሚጠብቃቸው የእስራኤል ጠቅላይ ሚኒስትር ቤኒያሚን ኔታንያሁ፣ የኢራንን የኒውክሌር መርሃ ግብር የማውደሙ ሥራ 90 በመቶው መጠናቀቁን እና የቀረው 10 በመቶ ያህሉ ብቻ እንደሆነ ተናገሩ። የአሜሪካው ፕሬዝዳንት ዶናልድ ትራምፕ በበኩላቸው “አብረን የጀመርነውን ሥራ እንድናጠናቅቅ ኔታንያሁን ምረጡ” ሲሉ ለእስራኤላውያን መልዕክት አስተላልፈዋል።

ትራምፕ ኢራን ላይ አዲስ ጥቃት ሊሰነዘሩ ወይም ስምምነት ላይ ሊደርሱ እንደሚችሉ ጠቆሙ

__

የአሜሪካው ፕሬዝዳንት ዶናልድ ትራምፕ ኢራን ላይ አዲስ ጥቃት የሚሰነዘርበት አልያም ስምምነት ላይ የሚደረስበት ዕድል እንዳለ ተናገሩ። ፕሬዝዳንቱ ከዚህ ቀደምም ወታደራዊ እርምጃ ሊወሰድ እንደሚችል ተናግረዋል። አሁንም ተመሳሳይ አስተያየት የሰጡት ትራምፕ፤ ሌላኛው አማራጭ ስምምነት ላይ መድረስ መሆኑን ጠቁመዋል።

ኦፌኮ የሞያሌ ከተማ ግጭትን በተመለከተ የፌደራል መንግሥት “ዝምታ መምረጡን” ተቸ

እሑድ 25 ኦክቶበር 2026 ጥዋት 6:26:08

የኦሮሞ ፌዴራሊስት ኮንግረስ (ኦፌኮ) ለቀናት የቀጠለ ግጭት ባስተናገደችው ሞያሌ ከተማ ጉዳይ የፌደራል መንግሥት “ዝምታ መምረጡን” ተቸ። ፓርቲው ባወጣው መግለጫ፤ በሞያሌ ከተማ እና ቦረና ዞን ውስጥ “እየተባባሰ የመጣውን ጥቃት፣ የታጠቁ ኃይሎችን ሰርጎ መግባት እና ኢ-ሕገመንግሥታዊ የአስተዳደር ለውጦችን” በጥብቅ አውግዟል።

“ገለልተኝነቴን ጠብቄ አገር ግንባታ ላይ ነበርኩ” ፕሮፌሰር መስፍን አርዓያ

ቅዳሜ 24 ኦክቶበር 2026 ጥዋት 5:00:38

በኢትዮጵያ ለረጅም ዘመናት የቆዩ እና የግጭት መንስዔ የሆኑ የተለያዩ አለመግባባቶችን በምክክር የመፍታት ሂደትን እንዲመራ የተቋቋመው የኢትዮጵያ አገራዊ ምክክር ኮሚሽን የሥራ ጊዜ አገሪቱ በግጭቶች ውስጥ እንዳለች ተጠናቋል። ኮሚሽኑ የምክክር ምክረ-ሃሳቦችን ለሕዝብ ይፋ ሳያደርግ የሥራ ጊዜው መጠናቀቁን እንዲሁም የሂደቱ ቀጣይ ዕጣ ፈንታ ምን ይሆናል? የሚለውን በማንሳት ቢቢሲ ከአራት ዓመት በላይ በሥራ ላይ የቆየውን ኮሚሽን የመሩትን ፕሮፌሰር መስፍን አርዓያ ጠይቋል።

በሞያሌ ከተማ ዛሬ አርብ ተኩስ ቀጥሎ መዋሉን እና ንብረቶች መቃጠላቸውን ነዋሪዎች ተናገሩ

ዓርብ 23 ኦክቶበር 2026 ከሰዓት 4:06:03

ኦሮሚያ እና ሶማሌ ክልሎች በሚጋሯት የድንበር ከተማዋ ሞያሌ የተቀሰቀው ግጭት ዛሬ አርብም ቀጥሎ መዋሉን ነዋሪዎች ለቢቢሲ ተናገሩ። በከተማዋ የሚገኙ በርካታ መደብሮች እና ቤቶች መቃጠላቸውንም ነዋሪዎቹ ገልጸዋል።

ኤርትራ “በሌሎች ኃይሎች ተማምና በጥፋት መንገድ የምትቀጥል ከሆነ ከባድ ውጤት እንደሚኖረው” ጠ/ሚ ዐቢይ አስጠነቀቁ

ማክሰኞ 20 ኦክቶበር 2026 ጥዋት 5:33:00

ጠቅላይ ሚኒስትር ዐቢይ አሕመድ፣ ኢትዮጵያ ከኤርትራ ጋር ሰላም እንደምትፈልግ እና የልማት አጋር መሆን እንደምትሻ ጠቅሰው፤ ኤርትራ “በሌሎች ኃይሎች ተማምና በጥፋት መንገድ የምትቀጥል ከሆነ ግን ከባድ ውጤት እንደሚኖረው” ተናገሩ። ጠቅላይ ሚኒስትሩ ሰኞ ጥቅምት 9/2013 ዓ. ም. በትግርኛ በሰጡት ቃለ መጠይቅ ላይ ነው ኢትዮጵያ ከኤርትራ ጋር አጋርነት እንደምትፈልግ ተናግረው የማስጠንቀቂያ መልዕክትም ያስተላለፉት።

የትግራይ ባለአደራ አስተዳደር አምስቱ ተሿሚዎች እነማን ናቸው?

ሰኞ 19 ኦክቶበር 2026 ጥዋት 3:48:34

መስከረም አጋማሽ ላይ ዳግም ጦርነት ከተቀሰቀሰ በኋላ አብዛኛው የትግራይ ክልል አካባቢ በፌደራል መንግሥቱ ሠራዊት እና በአጋር ኃይሉ ቁጥጥር ስር ገብቷል። ክልሉን በማረጋጋት እና መልሶ በመገንባት በምርጫ የሚመጣ አስተደዳር ቦታውን አስኪረከብ ድረስ ለስድስት ወራት የሚቆይ የባለአደራ አስተዳደር በጠቅላይ ሚኒስትር ዐቢይ ተሹሟል። አምስት አባላት ያሉት ይህ ባለአደራ አስተዳደርን የሚመሩት እና የመቀለ ከተማ ከንቲባ እንዲሆኑ የተሰየሙት አምስቱ ሰዎች እነማን ናቸው?

ህወሓትን “ተገንጣይ” ያሉት ሩቢዮ በአዲስ አበባ የድሮን ጥቃት ተፈፅሞ እንደነበር ተናገሩ

እሑድ 18 ኦክቶበር 2026 ጥዋት 9:11:57

የአሜሪካ የውጭ ጉዳይ ሚኒስትር ማርኮ ሩቢዮ ላለፉት ሦስት ሳምንታት ከፌደራል መንግሥቱ እና ከአጋሮቹ ጋር እየተዋጋ የሚገኘውን ህወሓት “ተገንጣይ ቡድን” በማለት በአዲስ አበባ የድሮን ጥቃት ተፈጽሞ እንደነበር ተናገሩ። የአሜሪካ የውጭ ጉዳይ ሚኒስትር ማርኮ ሩቢዮ በኢትዮጵያ እና በኤርትራ መካከል ያለው ውጥረት እየጨመረ በመምጣቱ ያላቸውን ስጋትም ገልጸዋል።

የፌደራል መንግሥቱ በትግራይ ክልል ጦርነቱ መጠናቀቁን ገልጾ የባለአደራ አስተዳደር መመሥረቱን አስታወቀ

ዓርብ 16 ኦክቶበር 2026 ጥዋት 10:49:12

በትግራይ ክልል ለስድስት ወራት የሚቆይ ባለ አደራ አስተዳደር ተቋቋመ። በጠቅላይ ሚኒስትሩ የተቋቋመው ይህ ባለአደራ አስተዳደር በስድስት ወር ጊዜ ውስጥ ነጻና ግልጽ ምርጫ በማከናወን ትግራይ የፌዴሬሽኑ አካል የምትሆንበትን ሁኔታ የማመቻቸት ኃላፊነት ተሰጥቶታል። በአስተዳደሩ ውስጥ በዋና አስፈጻሚነት ከተካተቱት መካከል የትግራይ ሰላም ኃይልን የሚመሩት ⁠ብ/ጄ ገብረ እግዚአብሔር በየነ ይገኙበታል።

ከሰሜን ኢትዮጵያው ጦርነት ጋር በተያያዘ ባለፉት 5 ወራት አሜሪካ የወሰደቻቸው 5 እርምጃዎች

ሐሙስ 15 ኦክቶበር 2026 ጥዋት 8:35:45

ደም አፋሳሹ የትግራይ ጦርነት በፕሪቶሪያ ስምምነት አማካኝነት እንዲገታ ከፍተኛ ሚና ከነበራቸው አካላት መካከል የአፍሪካ ኅብረት እና አሜሪካ ይጠቀሳሉ። አሜሪካ በአፍሪካ ቀንድ ዋነኛ ተጽዕኖ ፈጣሪ ከሆኑ ምዕራባውያን አገራት አንዷ ናት። የሰሜን ኢትዮጵያው ጦርነት ከሳምንታት በፊት ዳግም ሲቀሰቀስ ቀድመው መግለጫ ካወጡ አገራትም አንዷ ናት። አሜሪካ ከጦርነት መነሳት በፊት እና በኋላ የወሰደቻቸውን እርምጃዎች እንደሚከተለው ቃኝተናል።

ሶማሊላንድ በግብፅ የተመሠረተውን ጥምረት በመቃወም ከኢትዮጵያ ጎን እንደምትቆም ገለጸች

ዓርብ 16 ኦክቶበር 2026 ጥዋት 7:56:03

ሶማሊላንድ የኢትዮጵያን ደኅንነት አደጋ ላይ የሚጥል የትኛውንም ዓይነት ጣልቃ ገብነት እና ጥምረትን እንደምትቃወም ገለጸች። ነጻ አገርነቷን ያወጀችው ሶማሊላንድ ፕሬዝዳንት አብዲራህማን ሞሐመድ አብዱላሂ ከጎረቤታቸው ኢትዮጵያ ጋር ባላቸው ትብብር ከፍተኛ መተማመን እንዳላቸው ገልጸው “የኢትዮጵያን መረጋጋት እና ደኅንነት አደጋ ላይ የሚጥል የትኛውንም ጣልቃ ገብነት እንቃወማለን” ብለዋል።

‘በሕይወት እንተርፋለን አላልንም’ ፡ በህወሓት ቁጥጥር ስር የቆዩት የቀድሞ ባለሥልጣናት ምን ገጠማቸው?

ማክሰኞ 13 ኦክቶበር 2026 ከሰዓት 2:36:05

የቀድሞ የትግራይ ጊዜያዊ አስተዳደር ፕሬዝዳንት ሌ/ጄነራል ታደሰ ወረደን ጨምሮ፣ አራት የቀድሞ ባለሥልጣናት ከኤርትራ ድንበር አቅራቢያ በህወሓት ታጣቂዎች ቁጥጥር ሥር ከነበሩበት እስር አምልጠው በኢትዮጵያ ሠራዊት እጅ ከገቡ በኋላ ወደ መቀለ መመለሳቸውን ተናግረዋል። ባለሥልጣናቱ ዳግም የተቀሰቀሰው ጦርነት ከመጀመሩ በፊት በቀድሞ ጓዶቻቸው ከየቤታቸው ታግተው ከተወሰዱ በኋላ ያሳለፉትን እና እንዴት ሊያመልጡ እንደቻሉ ከመካከላቸው አንዱ ለቢቢሲ አጋርተዋል።

ጠቅላይ ሚኒስትር ዐቢይ እና የአሜሪካ የውጭ ጉዳይ ሚኒስትር ሩቢዮ ምን ተነጋገሩ?

ሐሙስ 15 ኦክቶበር 2026 ጥዋት 4:21:59

ጠቅላይ ሚኒስትር ዐቢይ አሕመድ ከአሜሪካው የውጭ ጉዳይ ሚኒስትር ማርኮ ሩቢዮ ጋር በስልክ ተወያይተዋል። የአሜሪካ የውጭ ጉዳይ መሥሪያ ቤት ባወጣው መግለጫ፤ ንግግራቸው ከኤርትራ ጋር “እየተባባሰ የመጣውን ውጥረት” የተመለከተ መሆኑ ተገልጿል። ጠቅላይ ሚኒስትር ዐቢይ የውይይቱን ይዘት በዝርዝር ባይገልጹም “እጅግ ፍሬያማ” መሆኑን አስታውቀዋል።

ሶማሊያ በኢትዮጵያ እና በኤርትራ መካከል በተፈጠረው ውጥረት ገለልተኛ መሆኗን ገለፀች

ሰኞ 12 ኦክቶበር 2026 ጥዋት 11:45:20

የሶማሊያ ውጭ ጉዳይ ምክትል ሚኒስትር ሐሰን ሞሐመድ አሊ በኢትዮጵያ እና በኤርትራ መካከል በተፈጠረው ውጥረት አገራቸው “ገለልተኛ” መሆኗን ተናገሩ። ምክትል ሚኒስትሩ ይህንን ያሉት ከቢቢሲ ሶማልኛ ጋር እሁድ ጥቅምት 1/2019 ዓ.ም. በነበራቸው ቃለ ምልልስ ወቅት ነው።”የሶማሊያ መንግሥት አቋም ሰላማዊ እና ገለልተኛ ነው” ያሉት ሚኒስትሩ ከአገራቱ ጋር ታሪካዊ፣ መልክዓ ምድራዊ እንዲሁም ሃይማኖታዊ ትስስር እንዳለ ተናግረዋል።

ወደ ትግራይ የተጓዙት የፌደራል መንግሥቱ ከፍተኛ ባለሥልጣናት ምን አሉ?

ሰኞ 12 ኦክቶበር 2026 ጥዋት 7:57:26

በትግራይ የተቀሰቀሰውን ጦርነት ተከትሎ ተቋርጦ የነበረው የአውሮፕላን በረራ በትናንትናው ዕለት ሲጀመር የፌደራል መንግሥቱ ከፍተኛ ባለሥልጣናት ወደ መቀለ እና አዲግራት በማምራት ነዋሪዎችን ማግኘታቸውን ገልጸዋል። አቶ ጌታቸው ረዳ ከ18 ወራት በኋላ ወደ ክልሉ ዋና መዲና መመለሳቸውን ሲናገሩ፣ ዶ/ር አብርሃም በላይ ደግሞ “ሰላም የተጠማው ሕዝባችንን ጎበኘነው” ብለዋል። የብሔራዊ መረጃ እና ደኅንነት አገልግሎት ዋና ዳይሬክተር የሆኑት አምባሳደር ሬድዋን ሁሴን በበኩላቸው በመቀለ እና አዲግራት በነበራቸው ቆይታ “ጥልቅ የሰላም ጥማት” ማየታቸውን ገልጸዋል።

የመንግሥት ለውጥ - የሰሜኑ ጦርነት - የፓርላማ የምሬት ንግግር - ስደት ፡ የገዱ አንዳርጋቸው የለውጡ ስምንት ዓመታት

ቅዳሜ 17 ኦክቶበር 2026 ጥዋት 4:53:28

አቶ ገዱ አንዳርጋቸው ከአገር ከመውጣታቸው በፊት መስከረም ማብቂያ ላይ በአዲስ ምክር ቤት የተተካው የቀድሞው የሕዝብ ተወካዮች ምክር ቤት አባል፣ በክልል እና በፌደራል መንግሥቱ ውስጥ ከፍተኛ ባለሥልጣን ነበሩ። ጠ/ሚኒስትር ዐቢይ ወደ ሥልጣን የመጡበት ለውጥ ውስጥ ሚና ከነበራቸው ሰዎች መካከልም አንዱ ነበሩ፤ አሁን ግን በስደት ላይ ይገኛሉ። አቶ ገዱ ባለፉት 8 ዓመታት ያለፉባቸውን ውጣ ውረዶች በተመለከተ ከቢቢሲ ጋር ቆይታ አድርገዋል።

ኢትዮጵያ አዲስ ከገነባችው የወርቅ ማጣሪያ ፋብሪካ ምን ያህል ታተርፋለች?

ማክሰኞ 13 ኦክቶበር 2026 ጥዋት 8:51:04

ኢትዮጵያ በአፍሪካ ከሚጠቀሱ የወርቅ ማጣሪያ ፋብሪካዎች አንዱ ሊሆን ይችላል የተባለ ማጣሪያ ሥራ አስጀምራለች። ይህ ተቋም በጥሬው ወደ ሌሎች አገራት የሚላከውን የአገሪቱን ከፍተኛ መጠን ያለውን ወርቅ በማጣራት ዕሴት ጨምሮ ከፍተኛ ገቢን እንደሚያስገኝ እየተነገረ ነው። የፋብሪካው ከፍተኛ ባለድርሻ የሆነው መንግሥታዊው የኢትዮጵያ ኢንቨስትመንት ሆልዲንግስ ዋና ሥራ አስፈጻሚ ብሩክ ታዬ (ዶ/ር) ለቢቢሲ ኒውስ ዴይ ፕሮግራም ስለ ፋብሪካው ተናግረዋል።

“ሁለት እህቶቼን አጥቻለሁ”፡ 139 ሰዎች ከሞቱበት የጂቡቲው የጀልባ አደጋ የተረፉ ኢትዮጵያውያን ምስክርነት

ማክሰኞ 13 ኦክቶበር 2026 ጥዋት 4:02:12

ከጂቡቲ ወደ የመን እየተጓዘ የነበረ ጀልባ ተገልብጦ 80 የሚሆኑ ኢትዮጵያውያን ከአደጋው መትረፋቸውን ዓለም አቀፉ የስደኞች ተቋም (አይኦኤም) ገልጿል። ለመስከረም 29 አጥቢያ ማለትም መስከረም 28/2019 ዓ. ም. ምሽት ላይ ከጂቡቲ የወደብ ከተማ ኦባክ በስተሰሜን በምትገኘው ጉህሬ አቅራቢያ ጀልባው ተገልብጦ 139 ሰዎች ሞተዋል። ከዚህ አሰቃቂ አደጋ የተረፉ ኢትዮጵያውያን አደጋው እንዴት እንደተከሰተ እና የገጠማቸውን ለቢቢሲ ተናግረዋል።

የኢትዮጵያ ሕዝብ ተወካዮች ምክር ቤት ታሪክ፣ አሠራር እና አወቃቀር

ሰኞ 5 ኦክቶበር 2026 ጥዋት 3:53:03

ባለፈው ዓመት በተካሄደው ምርጫ መሠረት አዲሱ የኢትዮጵያ ፌደራላዊ ዲሞክራሲያዊ ሪፐብሊክ የሕዝብ ተወካዮች ምክር ቤት ዛሬ መስከረም 25/2019 ዓ.ም. ሥራውን ይጀምራል። ባለፉት ሦስት አሥርት ዓመታት በአገሪቱ ወሳኝ ጉዳዮች ላይ ውሳኔ የሚያሳልፈው ምክር ቤት ታሪክ ምን ይመስላል? የሕዝብ ተወካዮች ምክር ቤት አወቃቀር እና ሥራውን እንዴት እንደሚያከናውን ምን ያህል ያውቃሉ?

ጠቅላይ ሚኒስትር ዐቢይ በዓመት ከ600 ቶን በላይ የከበሩ ማዕድናትን የማጣራት አቅም ያለው ፋብሪካ ሥራ ማስጀመራቸውን ተናገሩ

ቅዳሜ 10 ኦክቶበር 2026 ጥዋት 9:35:52

ጠቅላይ ሚኒስትር ዐቢይ በዓመት ከ600 ቶን በላይ የከበሩ ማዕድናትን የማጣራት አቅም ያለው ፋብሪካ ሥራ አስጀመሩ። ጠቅላይ ሚኒስትር ዐቢይ አሕመድ ቅዳሜ መስከረም 30/2019 ዓ.ም. ሥራ ያስጀመሩት ይህ የወርቅ ማጣሪያ ፋብሪካ እስካሁን ድረስ ጥሬ ወርቅን ወደ ውጭ በመላክ ላይ ብቻ ተወስና ለቆየችው ኢትዮጵያ በዘርፉ ላይ ያለውን የእሴት መጨመር ችግር እንደሚቀርፈው ተናግረዋል። የወርቅ ማጣሪያ ፋብሪካው በአገር ውስጥ እና በቀጣናው የሚመረተው ወርቅ እሴት ታክሎበት በተሻለ ዋጋ ለገበያ ለማቅረብ ከፍተኛ አቅም እንደሚፈጥርም ጨምረው አብራርተዋል።

ትብብር የመሠረቱት ታጣቂ ቡድኖች አንድ የሚያደርጋቸው እና የሚያለያያቸው ምንድን ነው?

ሰኞ 21 ሴፕቴምበር 2026 ጥዋት 10:28:55

ሰባት ታጣቂ ቡድኖች “ትብብር ለኅልውና” የተሰኘ ጥምረት መመሥረታቸውን እሁድ መስከረም 10/2019 ዓ.ም. አስታውቀዋል። ይህንን ትብብር ከመሠረቱት የትጥቅ ቡድኖች መካከል የተወሰኑት በአንድ ወቅት በጠላትነት የሚተያዩ እና እርስ በርስ የተዋጉ ነበሩ። እነዚህ ትብብር መሥርተናል የሚሉት ታጣቂ ቡድኖች ባለፉት ዓመታት በጠላትነት የሚተያዩ አንዳንድ ጊዜም ግጭት ውስጥ የገቡ ነበሩ። ቡድኖቹን ምን አንድ ያደርጋቸዋል? በምንስ ይለያያሉ?

በሰሜን ኢትዮጵያ ዳግም ስለተቀሰቀሰው ግጭት እስካሁን የምናውቀው

ሐሙስ 24 ሴፕቴምበር 2026 ጥዋት 10:20:31

የትግራይ የእርስ በርስ ጦርነት በፕሪቶርያ ስምምነት ከተገታ ወዲህ ከረቡዕ መስከረም 13 አንስቶ ግጭት በሰሜን ኢትዮጵያ ዳግመኛ ተቀስቅሷል። ረቡዕ ዕለት ግጭቱ ስለ መጀመሩ ይፋዊ መረጃ ቢወጣም ማክሰኞ ዕለት በትግራይ አላማጣ ከተማ ተከታታይ የድሮን እና የአውሮፕላን ጥቃቶች መፈጸማቸው ተዘግቧል። ግጭቱ ይፋ መሆኑን ተከትሎ የተለያዩ ወገኖች አቋማቸውን እያንጸባረቁ ነው። ስለ ግጭቱ አስካሁን የምናውቀው ምንድን ነው?

በሰሜን ኢትዮጵያ በፌደራል ኃይሎች እና በትግራይ ታጣቂዎች መካከል ግጭት መቀስቀሱ ተገለጸ

ረቡዕ 23 ሴፕቴምበር 2026 ከሰዓት 12:03:26

ለወራት በውጥረት ውስጥ በቆየው የትግራይ ክልል ውስጥ ግጭት መቀስቀሱን የህወሓት እና የፌደራል መንግሥቱ ባለሥልጣናት ገለጹ። በትግራይ ኃይሎች እና በፌደራል መንግሥቱ ሠራዊት መካከል ጦርነት መቀስቀሱ የተገለጸው ረቡዕ መስከረም 13/2019 ዓ. ም. ማለዳ የትግራይ ኃይሎች መቀለ የሚገኘውን አውሮፕላን ማረፊያ ተቆጣጥረው በረራዎች መቋረጣቸው ከተነገረ በኋላ ነው።

የትግራይ ኃይሎች የመቀለ አውሮፕላን ማረፊያን “መቆጣጠራቸው” ከተሰማ በኋላ ወደ ክልሉ የሚደረጉ በረራዎች ተቋረጡ

ረቡዕ 23 ሴፕቴምበር 2026 ጥዋት 7:36:10

የትግራይ ኃይሎች ዛሬ ማለዳ በክልሉ ዋና ከተማ መቀለ የሚገኘውን አሉላ አባ ነጋ አውሮፕላን ማረፊያን መቆጣጠራቸው ከተሰማ በኋላ ወደ ትግራይ በረራዎች ተቋረጡ። የኢትዮጵያ አየር መንገድ ዛሬ ረቡዕ ረፋድ ላይ በይፋዊ የፌስቡክ ገጹ ላይ ባወጣው መግለጫ በትግራይ ክልል የሚያደርገውን በረራ “ለጊዜው መቋረጡን” አስታውቋል።

በዩቲዩብ ላይ የጤና ምክሮችን የሚሰጡ በኤአይ የተፈበረኩ ዶክተሮች ለምን አረጋውያንን ዒላማ አደረጉ?

ረቡዕ 7 ኦክቶበር 2026 ጥዋት 3:59:17

በአዲስ አበባ ተማሪዎችን ከፍተኛ ክፍያ ከሚጠይቁት ትምህርት ቤቶች መካከል ሦስቱ

ሰኞ 21 ሴፕቴምበር 2026 ጥዋት 3:57:11

በአዲስ አበባ የሚገኙ አንዳንድ ዓለም አቀፍ ትምህርት ቤቶች ለአንድ ተማሪ በዓመት ከሚያስከፍሉት ክፍያ አንጻር ከፍተኛ የሚባሉ ዋጋዎችን ያስቀምጣሉ። በአውሮፓውያኑ 2026/27 የትምህርት ዘመን የወጡ የክፍያ መረጃዎች እነዚህ ትምህርት ቤቶች በዓመት እስከ 37 ሺህ ዶላር በላይ ወይም ወደ ስድስት ሚሊዮን የሚጠጋ ብር እንደሚያስከፍሉ ያመለክታሉ። ትምህርት ቤቶቹ እንደ ተማሪው ዜግነት፣ የክፍል ደረጃ እና የክፍያ ዓይነት የተለያየ ተመንም አላቸው።

ባለ ፓስፖርት አይጦች እና ስለ ቲቢ የሚመራመሩት ኢትዮጵያዊ

ሰኞ 17 ኦገስት 2026 ጥዋት 3:57:58

አይጦች በጎ ስም የላቸውም፤ ሰዎች ከቤታቸው፣ ምግብ እና የተለያዩ እቃዎች ከሚያስቀምጡባቸው ሥፍራዎች አይጦችን ለማራቅ መርዝ ወይም መጥመድ ይጠቀማሉ። በአጠቃላይ አይጦች ከጥፋት ጋር ስለሚያያዙ በበርካቶች ዘንድ የተጠሉ ናቸው። ኢትዮጵያዊው ሳይንቲስት ምርምር የሚያደርጉባቸው ባለ ፓስፖርት አይጦች ግን ለሰው ልጅ ጤና እና ደኅንነት ከፍተኛ ጥቅም አላቸው።

እስከ ግማሽ ሚሊዮን ብር የሚወጣባቸው ግዙፍ የሽምግልና አበባዎች ፡ የአበባ አብዮት ወይስ የባህል ለውጥ?

ሰኞ 10 ኦገስት 2026 ጥዋት 4:05:08

ከጋብቻ በፊት የሚደረገው የሽምግልና ሥነ ሥርዓት ከፍተኛ ድግስ እና ገንዘብ የሚፈስበት እየሆነ መጥቷል። ከሚዘጋጀው ድል ያለ ድግስ ባሻገር በመቶ ሺዎች ብር የሚያስወጡ ቄንጠኛ ግዙፍ የአበባ ‘እቅፎች’ ደግሞ የሽምግልናው ሥርዓት አካል ሆነዋል። በተለይ የሚቀርበው የአበባ ስጦታ መነጋገሪያ ሆኗል። የሽምግልና ሥነ ሥርዓት የሰርግን ቦታ እየተካ ነው? ግዙፉ የአበባ ስጦታስ ከየት የመጣ ልማድ ነው?

የትግራይ ባለአደራ አስተዳደር አምስቱ ተሿሚዎች እነማን ናቸው?

ሰኞ 19 ኦክቶበር 2026 ጥዋት 3:48:34

መስከረም አጋማሽ ላይ ዳግም ጦርነት ከተቀሰቀሰ በኋላ አብዛኛው የትግራይ ክልል አካባቢ በፌደራል መንግሥቱ ሠራዊት እና በአጋር ኃይሉ ቁጥጥር ስር ገብቷል። ክልሉን በማረጋጋት እና መልሶ በመገንባት በምርጫ የሚመጣ አስተደዳር ቦታውን አስኪረከብ ድረስ ለስድስት ወራት የሚቆይ የባለአደራ አስተዳደር በጠቅላይ ሚኒስትር ዐቢይ ተሹሟል። አምስት አባላት ያሉት ይህ ባለአደራ አስተዳደርን የሚመሩት እና የመቀለ ከተማ ከንቲባ እንዲሆኑ የተሰየሙት አምስቱ ሰዎች እነማን ናቸው?

የአዲስ ዓመት አከባበር ሥርዓቶች በተለያዩ የዓለም አገራት

ዓርብ 11 ሴፕቴምበር 2026 ጥዋት 4:11:34

በዓለም ላይ ያሉ የተለያዩ አገራት ሕዝቦች አዲስ ዓመታቸውን የሚያከብሩት በተለያየ ጊዜ ነው። በርካታ የምዕራባውያን እና ከእነሱ ጋር ትስስር ያላቸው አገራት ጥር ወር ላይ አዲስ ዓመታቸውን የሚጀምሩ ሲሆን፣ አንዳንድ የእስያ አገራት ደግሞ ከዚህ የተለየ የአዲስ ዓመት አከባበር አላቸው። በተለያዩ የዓለማችን ክፍል የሚገኙ አገራት አዲስ ኣመትን እንዴት ያከብሩታል?

ባለፓስፖርቶቹ የሰውን በሽታ የሚለዩት አይጦች

ማክሰኞ 1 ሴፕቴምበር 2026 ጥዋት 9:45:18

ባለፓስፖርቶቹ የሰውን በሽታ የሚለዩት አይጦች

የቦዲ ቢዩልደሮችን ልብ ቀጥ እያደረገ ያለው ነገር ምንድን ነው?

ማክሰኞ 1 ሴፕቴምበር 2026 ጥዋት 8:35:24

የቦዲ ቢዩልደሮችን ልብ ቀጥ እያደረገ ያለው ነገር ምንድን ነው?